3943/2024-2025

Champhai, 24th January 2025: National Voters’ Day vawi 15-na pualin vawiin khan Champhai District-a sawrkar pisa hrang hrang te chuan thutiam an la.

National Voters’ Day hi kum 2011 aṭang khan kumtin January ni 25 ah hman ṭhin a ni a. Kuminah erawh sawrkar pisa chawlh anih avangin January ni 24 ah he ni puala thutiam lakna hi neih a ni ta a ni.

Naktuk (25.01.2024) hian Circuit House Conference Hall-ah “Nothing Like Voting, I Vote for Sure” tih thupui hmangin National Voters’ Day pual hian hun hman a ni dawn a. Champhai Bawrhsap Pu VL Remliana chuan he hun hi a hmanpui ang a, Booth Level Officer (BLO) tiṭhate hnenah chawimawina hlanin, vote nei thar te hnenah Electoral Photo Identity Card (EPIC) a sem chhuak bawk ang.