3942/2024-2025

Dated Lawngtlai, 24th December 2025 :  Vawiin chawhnu dar 1:30 khan Lawngtlai District Agricultural Marketing Committee (DAMC) chuan an Chairman leh district bawrhsap nibawk Pu Cheemala Siva Gopal Reddy, IAS, kaihruaiin DC Conference Hall- ah thutkhawm an nei.

Pu Cheemala Siva Gopal Reddy, IAS, chuan DAMC Member lo kalte hnena lawmthu sawina a nei hmasa a. Mizoram sawrkarin Bâna Kaih (Handholding Policy) a kalpui mekah Lawngtlai District chhunga Sawhthing, Aieng, Hmarcha leh Hmunphiah chingtuten hlawk leh man man zawka an hralh chhuah theihna tura theihtawp chhuah chhunzawm zel a nih thu a tarlang a. Bawrhsap chuan thlai thar lakkhawmna Primary leh Secondary Collection Centre- ah data mumal siam turin line department-te a chah nghal bawk. 

Thutkhawmah hian thil pawimawh tak tak sawiho a ni a. Secondary Collection Centre mumal taka kalpui turin MzSLRM thlan niin, an ni hian Secondary Collection Centre zawng zawngah Training an pe vek dawn a ni. Bungtlang 'S' RD Block huamchhunga Hmunphiah chingtute chu Lawngtlai RD Block- a Secondary Collection Centre, Diltlang 'S' ah an Hmunphiah thar hralh phalsak ni se an ti a. Lawngtlai DAMC tana Management Fund cheng nuai 1 lo kal chu mumal taka hman leh record felfai tak siam ni se an ti bawk. 

Vawiin Lawngtlai District Agricultural Marketing Committee (DAMC) thutkhawmah hian Member leh Line department an tel kim tha hle a, Pu Cheemala Siva Gopal Reddy, IAS, Chairman, DAMC chuan lawmthu sawina neiin hun a khar.

Attachment

  • Loading attachment...