January ni 25 hian National Voters Day vawi 7-na chu rampumah hman a ni dawn a. “Greater Participation for a Stronger Democracy” tih thupuia hmangin suB-themE atan “Empowering Young and Future Voters” tih hman a ni.

Kumin January ni 1 a kum 18 tling tawhte tan chuan Electoral Roll-a inthunluh hi India khua leh tui dik tak tihtur pawimawh tak a ni. Electoral Roll-a kan chanchinte a dik nge diklo tih enfiah a, diklo a awm a nih chuan a rang lama siam that tur a ni. Siamthatna turin form 8 hman tur a ni.

Form 6 chu roll-a inthun thar duh tan leh Assembly bial dang atanga insawn duh tan hman tur a ni a, Form 7 chu Electoral Roll a chuang tawh, thi/pem tawhte paih nan hman tur a ni. Form 8 chu Roll-a mahni chanchin diklo/thlalak fiahlo siamthat nan a hman tur niin Form 8A chu Assembly bial chhung tho, veng danga insawn duh tan hman tur a ni.

A chunga form hrang hrangte hi Election Branch, DC Office, Aizawlah a thlawnin lakchhuah theih a ni.