Vawiin Dt 25th January 2014 hi National Voters’ Day vawi 4-na niin DC Conference Hall, Mamit-ah urhsun takin hman a ni a. He hun hi Pu V. Lalremthanga IAS, District Bawrhsap, District Election Officer, Mamit chuan a hmanpui.
Inkhawm Pu Malsawmtluanga Election Officer, Mamit kaihruaiah thusawiin Pu V. Lalremthanga DEO chuan ram changkang thenkhatah Vote neih hlutzia a tlakhniam mek thusawiin chutiang dinhmun a India, khawvela Democracy ram lian ber a dinlohna turin Ram hruaituten theihtawp an chhuah a, kum 2011 atangin National Votes’ Day hman tan a lo ni ta hi a lawmawm in a pawimawh tak zet a ni a ti. Ram roreltu tur thlanna kawngah mi dik leh ram hruaitu tlakte thlan chhuah anih theih nana India khua leh tui dik tak ten chanvo kan neihna hi hria-in kan chhia leh tha hriatna dik tak hmanga ram hruaitu kan thlan thin pawh vote nei tawh leh vote nei thar ten kan a pawimawh hle a ni a ti bawk.
District Election Officer chuan Vote nei rual, neih tulna pawh hre lo leh ngaihsak lo te bakah hun bi tiam chhunga Roll-a inthun hmanlote tan pawn chance a awm thu sawiin Vote la nei lo te zawnchhuahna kawngah theihtawp chhuah theuh turin Vote nei tharte leh mitinte a ngen a ni.
Kum kalta 2013 a MLA inthlanah Mamit District chu Mizoram-a District 8 zingah Vote tlak thatna ber pawl niin 87.48% a tla a, a lawmawm tak zet a ni a ti bawk.
Pu R.S Lalzamliana Addl D.C ERO. 3- Mamit (ST) A/C in CEC’s Message chhiarchhuakin a kaihhruaina-in National Voters’ Day thutiam kalkhawm ten an sawi rual a ni.
He National Voters’ Day hmanna ah hian District chhunga Booth Level Officer (BLO) hnathawk tha pathum thlan chhuah niin 1st-na Pu Gilbert Rosiama 1/21 Kawrthah III, 2nd-na Pu K. Lalhmachhuana 2/28, Ailawng leh 3rd-na Pu H. Darhmingliana 3/10- Mamit IV te niin BLO ti tha thlanchhuahte chawimawina thuziak (Citation) leh Vote nei tharte EPIC chu Pu V. Lalremthanga IAS Khuallian chuan a sem a ni.
He National Voters’ Day hmanna ah hian BLO, te khawtlang hruaitu te, Political Party hruaitute, thuthar thehdarhtute leh Vote nei tharte mi thahnem tak an tel a ni.
