Vawiin hian Serchhip DC Conference Hall ah Nationa Voters’ Day vawi 9 na hman  ani a. District Election Officer Pi Sangchhin Chinzah chu khuallian a ni.

Pi Sangchhin Chinzah chuan, democracy ramah chuan Electoral Roll hi a pawimawhin a hlu em em a. Khua leh tui dik tak, kum 18 tling chinte chuan Roll a inziahluh kan tum ngei tur a ni a. Khua leh tui dik takte chu kim taka Roll-a an chuan theih nana thawhpuiah kalkhawmte a sawm bawk ani. Khuallian hian Serchhip Electoral Roll dinhmun tlangpui tarlangin tunah hian Voters hi mi 49317 an awm mek a, an zinga 25061 hi hmeichhia niin a dang mi 24256 te hi mipa an ni. Khuallian Pi Sangchhin Chinzah hian District Contact Centre a hawng nghal a. Contact Centre Number hi 1950 niin hetah hian Electoral Roll leh a kaihhnawih engkim phone hmangin a zawhfiah theih a. A call man (fee) hi a thlawn a ni ang.Kum 2018 chhunga Serchhip District chhung Constituency pathuma Booth Level Officer thawk tha ber thlanchhuah te hnenah lawmman a hlan nghal bawk a. Lawmman dawngtute chu 26-Serchhip A/C ah Pu R. Lalkhumliana, Thenzawl 6 BLO, 27- Tuikum A/C ah Pu H. Vanlalsiama, Chhiahtlang 5 BLO leh 28- Hrangturzo A/C ah Pu Lalhunliana, Sialsir BLO te an ni.

National Voters Day hmannaah hian Pu John Lalnunmawia, LDC chuan Election Commission of India in Systematic Voters Education & Electoral participation (SVEEP) kanlpui dan a duan chhuah zinga pakhat ‘Voters Awareness Forum’ chungchang zirtirna a pe a. Voters Awareness Forum hi sawrkar Office tinah din tura tih niin voters te tihchakna hna ‘Empowered Voters’ anmahni pisa theuhvah an thawk dawn a ni.

Pi Lalduhzuali, Settlement Officer kaihhruaina in kalkhawm ten Voters Day thutiam an nei a, kumina National Voters Day thupui hi “No voter to be left behind” (Vote thlak thei pakhatmah hmaih miah loh) tih a ni.

He hunah hian Serchhip SP Pu R. Sathiyasundaram, IPS leh district officers te, khawtlang hruaitu, tlawmngaipawl leh chanchinbumite leh zirlai naupang te an tel a. Pu Chuauhnuna, Deputy District Election Officer in lawmthu sawiin hun a khar a ni.