62ndNational Wildlife Week chu India ram pumah kum dang ang bawkin October thla chawlhkar hmasa ber 2nd - 8th chhung hian hman mek a ni.
Aizawl District bikah chuan Environment, Forests and Climate Change Department kaihhruainain vawiin hian Wildlife Week pual in WILDLIFE RUN-2016 neih niin Aizawl a College hrang hrang atangin students volunteers 350 rual leh EF & CC Deptt. staff te chuan Wildlife Sanctuary hrang hrang leh Wildlife thuchah chuang T Shirt rawng hrang hrang ha in he Run hi hman a ni a. Group hnih a insiamin Kulikawn leh Chanmari atanga tlan tan in AR Ground ah luh khawm a ni a. Hetah hian inkhawm tawi fel tak neiin Pu Rongura Hrahsel ACF in Inlawmna thu sawiin, EF & CC Minister zahawm tak Pu Lalrinmawia Ralte leh Pu Liandawla IFS, Chief Wildlife Warden ten Ramsa, nungcha leh Ramngaw humhalh pawimawh zia thuchah tawi an sawi a, Pu C Vidhyasagar IFS, chuan lawmthu a sawi bawk a. He programme ah hian Pu Lalram Thanga Principal Secy & PCCF leh EF & CC Deptt. hotute an tel kim hle.
Wildlife Week-2016 pual hian electronic leh print media hrang hrang hmang in nungcha humhalh chung chang thuchah te tih chhuah mek a ni bawk.
Kumin National Wildlife Weekpual hianAizawl Zoological Park chu school naupang leh a duh apiang tan luhman awm lovin hawn a ni a. Visitors te hi Zoo- a hnathawktuten lo guide in, nungcha humhalh chungchangah zirtirna an lo pe thin dawn a ni.
Mizorama District Hqrs leh Forest Division Hqrs tinah leh, Protected Areas zawngzawng ah te 62nd National Wildlife Week pual hian mass Awareness campaign neih mek a ni a. Lunglei District ah pawh 3.10.2016 khan Lunglei Govt. College Auditorium ah Lunglei Govt. College Teacher Assn. Students leh NSS memberte nen hlung taka hman a ni a. Pu Zosangliana SP Lunglei Chief Guest niin presentation tha tak tak nen hun hman a ni.
He Nungcha humhalh Hapta kan hman mekah hian Mitinte nungcha humhalh kawng a theihtawp chhuah theuh tur leh dan lova ramsa hmanga sumdawngte khuahkhirh tura sawrkar hmalakna te tawiawm theuh turin EF & CC Deptt chuan min sawm thar leh a ni.
