“Nationalism hi hnam dang huatna a innghat a nilo. Kan ram, kan hnam chawikan hi nationalism innghahna zawk chu a ni a. Nationalism chu thilpositive a ni.” He thu hi Chief Minister Pu Zoramthanga’n vawiina Chanmari YMA Hall-a Mizo Students’ Union (MSU) in MZU Southern Campus din phalna leh Bru te awmnghehna tur chinfel a nih tak lawmna inkhawm a buatsaihah a sawi a ni.

Chief Minister chuan sawrkarin zirna ngaipawimawhin, ram hmasawn chho zelah zirna pawhin hma sawn ve zelin, zirna in sang mamawh belhna a len tak hlethu a sawi a. Zirna chi hrang tam zawk kan neih theih a, zirlai tam zawk admit theihna turin hun rei tak lo buaipui hnuah sawrkar laipuiin Mizoram University Southern Campus Lunglei a neih phalna sawrkar laipuiin a rawn pe ta chu a lawmawm hle a ni, a ti.

He Campus thar hi neih thuai a nih nan sawrkarin theihtawp a chhuah tur thu Chief Minister chuan a sawi bawk. Kum tam tak Bru te awmna tur chinfel a nih theih nan a mi hrang hrangin theihtawp chhuaha hma an lak hnu ah fel taka inremsiamna a awm ta chu lawmawm a tih thu sawiin Chief Minister chuan Pathianin kan tan thil tha min rel sak thin a ni tih lanna a ni, a ti.

He hun a khualzahawm Higher & Technical Education Minister Dr. R. Lalthangliana chuan Bru awmhmun chungchangah hun rei tak buaipui a nih hnua feltaka thu khar a ni thei ta chu lawmawm a tih thu Minister chuan a sawi a. MZU Southern Campus Southern campus pawh a hma thei ang bera tan a nih theih nanhma lak tumin, bawhzui ngai te bawuhzui nghal a nih tur thu a sawi.

Ram dangin Mizoram min hriatna thil pathum-state ralmuang kan nihna te, ziak lehchhiar thiam tamna state kan nihna leh mipui percentage atanga chhut a sakhawkhat vuan awm tam berna pawk kan nihna te hi a ni, Minister chuan a ti a. Chu tih mek lai chuan hma la sawn ngaihna leh insiamdanglam ngaihna te kan la neih thu Hr. & Technical Education Minister chuan sawiin, literacy rate sang ringawt nilovin, thiamnahmantlak tam zawk leh chi hrang tamna state nih kan tum a ngai a ni, a ti a. Zirlai pawl ang te, sawrkar ang te a hma lak naah ram hnuk mamawh tak tak hrechiang chungahmalak zel a pawimawh a nih thu a sawi.