Vawiin chawhma khan I & PR Conference Hall, Kolasib ah, Kolasib District huam chhunga Retailer te tan ePos Machine sem chhuahna leh zirtirna buatsaih a ni.

ePOS (Electronic Point of Sale) khawl hi Bio-Metric khawl niin, retailer ten Buhfai an sem dawn in Ration Card a member tupawh Aadhar Card link te chuan an kut zungpui thla (finger print) lain Retailer hnenah Ration an la thei dawn a ni.

He khawl hi online a hman tur a nih rualin, Internet awm lohna ah pawh Off-line mode in a hman theih bawk a internet awmna hmunah data upload/download veleh mai tur a ni.

February 2020 atangin he khawl hi hman tan tura hmalak a ni a, ePOS machine bakah hian Digital Weighting Machine Retailer te hnenah hian sem theuh bawk a ni.

He hun hi Pu HC Lallianzuala, DCSO Kolasib in a kaihhruai a, Lallawmawma ePOST Machine buaipuitu Vision-tech atangin khawl hman dan Powerpoint presentation hmangin zirtirna a pe. Training ah hian Kolasib District huamchhung a Retailer mi 74 te telh kim theih in, an hnen ePOS leh a bukna khawl pekchhuah nghal a ni bawk.