Naktuk, January 30 hi India ram zalenna sualtute hriatrengna ni, "Martarte Ni" a ni a. He hun hi kumtin hman thin a ni a. Naktukah pawh hian Martarte zahna lantirna hun hi sawrkar pisa leh zirna in zawng zawngah chawhma dar 11 hian Minute 2 chhung ngawi renga dingin hman leh tur a ni.

Mizoram Secretariat, MINECO-ah chuan he hun hi Chief Secretary Pu Lalnunmawia Chuaungo kaihhruaina hnuaiah Secretariat kawtzawlah hman a ni dawn a. Secretariat a thawkte zawng zawng chawhma dar 10:55ah Secretariat kawtah awmkim hman vek tur a ni. Martarte zahna hun hman hi Siren a rawn rik veleh tan a ni anga, siren a rawn rik nawn leh hunah tihtawp tur a ni.