Vawiin khan Mizoram Remote Sensing Application Centre (MIRSAC)-in Remote Sensing leh Geographic Information System (GIS) thiamna hmanga Mizoram leilung awmdan leh a hausakna lanna bu an buatsaih ‘Natural Resources Atlas of Mizoram’ chu Khuallian Parliamentary Secretary Pu Lal Thanzara’n Chief Minister’s Conference Hall-ah a tlangzarh. He tlangzarhna inkhawm Pu R.K.Lallianthanga, project Director, MIRSAC kaihhruaiah hian Lunglei High Power Committee Vice-Chairman Pu Joseph Lalhimpuia chu Khual Zahawm a ni bawk.
Khuallian Pu Lal Thanzara chuan thu sawiin Mizorama la awm ngai lo, tunlai science thiamna hmanga Mizoram leilung hausakna Atlas tlangzarh thei tura buatsaih a lo ni ta chu lawmawm hle a ni a ti a. Hemi atana an thiamna leh thawhrimna hmangtu MIRSAC officers leh scientists te chungah lawmthu a sawi a ni. Sorkar-in hmasawnna tura ruahmanna hrang hrang a siam thin hlawhtlin lohna bul ber pakhat chu hetiang mumal taka leilung chungchang data innghahna tur a awm ngai lo vang a ni tiin Pu Thanzara chuan sorkar department leh zirlaite tana lehkhabu tangkai tak a nih ngei a beisei thu a sawi. Mizorama khaw tinin kum 10 daih tur Village Plan an siam tur thu sawilangin Khuallian chuan vawiina lehkhabu tlangzarh tak chu a bik takin loneia kuthnathawktute tan ruahmanna siamsak turah a tangkai hle ang, a ti.
Khual Zahawm Pu Joseph Lalhimpuia pawhin thusawiin he Atlas hi ram leh hnam tan rohlu a tling a ni, a ti a. Remote data pawimawhzia sawiin MIRSAC-a scientist-te pawh hma lo la zel tur leh sorkar finchhuah zel turin a sawm. Mizoram chu human resource leh mineral resource-ah a hausa tih hriat a nih tawh a, tunah chuan ram leilung hausakna pawh zirchian a ni ta chu a lawmawm hle a ni, a ti a. Sorkar chuan rorelna dik thupui vuanin kal zel a tum thu sawilangin Pu Lalhimpuia chuan remote sensing hmanga data dik tak behchhana hmasawnna tur ruahmanna siam a nih theih tawh tur chu a inhmeh hle a ni, a ti bawk.
MIRSAC Project Director Dr.R.K.Lallianthanga chuan satellite thlalak hmangin Mizoram tana tangkai tur project hrang hran an thawh tawh thu te, sorkar Department leh University zirlaiten an hman tangkai tawh thu leh hei aia tangkai zawka an hman theih thu a sawi a. Dept. of Space, Govt. of India chuan MIRSAC hi Mizoram chhunga Remote Sensing leh GIS hmanna turah chuan a rinpui ber a nih avangin Prject pawh an thawkho nual tawh a, State Department te pawhin tangkai zawka an hman zel a duh thu a sawi.
Pu Lalnunsiama Colney, Sr. Scientist, MIRSAC-in he Atlas an buatsaih dan leh a chhunga awmte sawifiahin Mizoram chhunga inkalpawhna kawng awm dan (transport network) te, Khaw hrang hrang awmna hmun (settlement location) te, Sub-Division Boundary bakah khawtin ram neih dan (village boundary) te, Tui awm dan leh a luan dan (drainage system) te, Khawlum dan leh ruahtui tlak dan (temperature & rainfall) te, Ramngaw awm dan leh ram hman dan (land cover/land use) te, lei awm dan (soil) te, ram awih dan (slope) te, leilung awm dan (geology) te leh lei hnuaia tui awm duhna lai (ground water potential) te a map leh statistics-a tarlan a nih thu a sawi a. He Atlas-a map-te hi a bua leng tura scale te zawka dah a nih thu sawiin theme hrang hrang 10 te hi a mamawh tute tan scale lian zawk (1:50,000) thlenga print theih a nih thu a sawi bawk.
Vawiin tlangzarhna inkhawmah hian MIRSAC Governing Board member te, Mizoram University zirtirtute, mithiam sawm bikte leh MIRSAC Scientist te an tel a. He Atlas hi a mamawhte tan bu khat Rs.500/- zelin MIRSAC Office-ah lei thei a ni.
Khual Zahawm Pu Joseph Lalhimpuia pawhin thusawiin he Atlas hi ram leh hnam tan rohlu a tling a ni, a ti a. Remote data pawimawhzia sawiin MIRSAC-a scientist-te pawh hma lo la zel tur leh sorkar finchhuah zel turin a sawm. Mizoram chu human resource leh mineral resource-ah a hausa tih hriat a nih tawh a, tunah chuan ram leilung hausakna pawh zirchian a ni ta chu a lawmawm hle a ni, a ti a. Sorkar chuan rorelna dik thupui vuanin kal zel a tum thu sawilangin Pu Lalhimpuia chuan remote sensing hmanga data dik tak behchhana hmasawnna tur ruahmanna siam a nih theih tawh tur chu a inhmeh hle a ni, a ti bawk.
MIRSAC Project Director Dr.R.K.Lallianthanga chuan satellite thlalak hmangin Mizoram tana tangkai tur project hrang hran an thawh tawh thu te, sorkar Department leh University zirlaiten an hman tangkai tawh thu leh hei aia tangkai zawka an hman theih thu a sawi a. Dept. of Space, Govt. of India chuan MIRSAC hi Mizoram chhunga Remote Sensing leh GIS hmanna turah chuan a rinpui ber a nih avangin Prject pawh an thawkho nual tawh a, State Department te pawhin tangkai zawka an hman zel a duh thu a sawi.
Pu Lalnunsiama Colney, Sr. Scientist, MIRSAC-in he Atlas an buatsaih dan leh a chhunga awmte sawifiahin Mizoram chhunga inkalpawhna kawng awm dan (transport network) te, Khaw hrang hrang awmna hmun (settlement location) te, Sub-Division Boundary bakah khawtin ram neih dan (village boundary) te, Tui awm dan leh a luan dan (drainage system) te, Khawlum dan leh ruahtui tlak dan (temperature & rainfall) te, Ramngaw awm dan leh ram hman dan (land cover/land use) te, lei awm dan (soil) te, ram awih dan (slope) te, leilung awm dan (geology) te leh lei hnuaia tui awm duhna lai (ground water potential) te a map leh statistics-a tarlan a nih thu a sawi a. He Atlas-a map-te hi a bua leng tura scale te zawka dah a nih thu sawiin theme hrang hrang 10 te hi a mamawh tute tan scale lian zawk (1:50,000) thlenga print theih a nih thu a sawi bawk.
Vawiin tlangzarhna inkhawmah hian MIRSAC Governing Board member te, Mizoram University zirtirtute, mithiam sawm bikte leh MIRSAC Scientist te an tel a. He Atlas hi a mamawhte tan bu khat Rs.500/- zelin MIRSAC Office-ah lei thei a ni.
