Kolasib District chhunga leilet neitu chhungkaw 110 hnenah vawiin khan buh chi tha, IR-64 pek chhuah an ni a. Pu K.S.Thanga, Parliamentary Secretary, Agriculture in heng buh chi tehi a hlan a ni.
Buh thar hlawk chi IR-64 semna inkhawm hi Kolasib Project Venga AMFU Hall-ah neih a ni a. Thuchah sawiin Pu K.S.Thanga chuan sawrkar hmasa a kalphung mumal lo taka Agriculture kaihhruai chu siam tha in tun sawrkar chuan Technical mithiamte nasa takin a hmang tangkai dawn a. An zirna leh a taka (practical) a an enchhinna te chhawrin chumi ang chuan loneituten hlawk zawk a buh leh thlai an thar chhuah theih nan hma a la zel dawn a ni, a ti a. Chumi a taka thawh hmahruai atan tunah hian mithiamten a hlawk tih an fiah vek tawh IR-64 chu sem a lo nita a ni, a ti a. Buh chin chhinna atana phal taka an leilet pe a a thar chhuah loneitute tana pe lettu Agriculture Minister Pu H.Liansailova leh Jt. Director Pu C.Lalzarliana te chu a fak a. Kolasib District chhunga loneitute DAO hmalakna a buh chi tha dawngtute an nih avangin an vannei hle a ni a ti.
Pu K.S. Thanga chuan, Kut hnathawktute tihhmasawn nan leh thalai zawk ten an thiamna hmanga ram leilung hmanga buh leh bal an tharchhuah theih nan chem leh tuthlawh ringawt nilova khawl an hman theih nan kan sawrkar chuan khawl chakna-a hnathawh mechanisation a kalpui ta mup mup mai a ni, a ti a. Loneitu pachhe ve te te ten an neih ngei theih nan khawl leina man pawh nasa taka tihhniamin zaa 25 chauhva an lei a phalsak ta zel a. Kan beisei leh duh ber chu tharchhuah tihpuna, sum tamtak vairama luanglut dan chaha intodelh a ni, a ti. Kolasib District phei chu leilet zawla siam theih ram zau tak nei District an nih avangin tan la hle turin leh tha tamtak sen inhuam turin a ngen a ni.
Pu Bhattarcharjee, Director, Agriculture chuan buh chi semna inkhawm hi a kaihruai a. Kolasib District chu District vannei tak an ni, a ti a. Kolasib D.C. Pu Dawngliana pawhin khual zahawm niin a hmanpui a. Sawrkarin buh leh bala intodelhna tur tihtak zeta a kalpui chu lawmawm a tih thu a sawi a ni.
Pu Lalrinliana, DAO chuan report pe in IR-64 enchhinna (demonstration) an neih atangin buh tin 700 chuang tharchhuah a ni a. Chung zinga thar chhuah tin 540 chu loneitute hnena sem leh turin leilet neituten phal takin an pe let leh a ni, a ti a. Kolasib District chu mahni tharchhuah buh chi tha chin tura semchhuahna hmasa ber a ni, a ti. Kum hmasa ah khaw 19 laiah Agri hmalakna in Community Rice Nursery siam a niin hei hi a hlawhtling thawkhat fu niin khawkheng avangin za ah za a hlawhtling ta lo a ni.
Pu K.S. Thanga chuan, Kut hnathawktute tihhmasawn nan leh thalai zawk ten an thiamna hmanga ram leilung hmanga buh leh bal an tharchhuah theih nan chem leh tuthlawh ringawt nilova khawl an hman theih nan kan sawrkar chuan khawl chakna-a hnathawh mechanisation a kalpui ta mup mup mai a ni, a ti a. Loneitu pachhe ve te te ten an neih ngei theih nan khawl leina man pawh nasa taka tihhniamin zaa 25 chauhva an lei a phalsak ta zel a. Kan beisei leh duh ber chu tharchhuah tihpuna, sum tamtak vairama luanglut dan chaha intodelh a ni, a ti. Kolasib District phei chu leilet zawla siam theih ram zau tak nei District an nih avangin tan la hle turin leh tha tamtak sen inhuam turin a ngen a ni.
Pu Bhattarcharjee, Director, Agriculture chuan buh chi semna inkhawm hi a kaihruai a. Kolasib District chu District vannei tak an ni, a ti a. Kolasib D.C. Pu Dawngliana pawhin khual zahawm niin a hmanpui a. Sawrkarin buh leh bala intodelhna tur tihtak zeta a kalpui chu lawmawm a tih thu a sawi a ni.
Pu Lalrinliana, DAO chuan report pe in IR-64 enchhinna (demonstration) an neih atangin buh tin 700 chuang tharchhuah a ni a. Chung zinga thar chhuah tin 540 chu loneitute hnena sem leh turin leilet neituten phal takin an pe let leh a ni, a ti a. Kolasib District chu mahni tharchhuah buh chi tha chin tura semchhuahna hmasa ber a ni, a ti. Kum hmasa ah khaw 19 laiah Agri hmalakna in Community Rice Nursery siam a niin hei hi a hlawhtling thawkhat fu niin khawkheng avangin za ah za a hlawhtling ta lo a ni.
