Sawrkar laipui, Ministry of Women and Child Welfare hnuaiah National Award hrang hrang a hnuaia tarlan ang hian dil theih a ni.
- National Award for Child Welfare, 2016: Mimal/Pawl anga kum engemawzat naupangte hamthatna atana hriathlawh khawpa lo thawk tawh thinte tan dil theih a ni a. Mimal pathum leh pawl panga thlanchhuahte hnenah he lawmman hi pek an ni ang. Lawmman hi mimal hnenah Rs. 3 lac & Citation, Pawl hnenah Rs. 3 Lac & Citation hlan a ni ang.
- Rajiv Gandhi Manav Sena Award, 2017: Mimal anga kum sawm aia rei naupangte hmasawnna (Child Development), Naupangte venhimna (Child Protection) leh naupangte hamthatna (Child Welfare) atana hriat hlawh khawpa lo thawk tawh thinte tan dil theih a ni a, mi pathum hnenah lawmman pek an ni ang. Lawmman hi Rs. 1 Lac & Citation a ni.
- 3. National Child Award for Exceptional Achievement Award, 2017: Naupang kum 5 atanga kum 18 inkar, heng field hrang hrang – zirna lama hlawhtlinna, Thil htar hmuh chhuah (chin chhuah), vantlang tana hnathawh, Infiamna, Arts, Culture leh a dangtea hlawhtlinna leh theihna bik chhuanawm tak neite tan dil theih a ni. Gold Medal pakhat leh Silver Medal sawmthum panga (35) sem a ni anga, State tin tan pakhat theuh pek a ni ang. Gold Medal hian Rs. 20000 leh lehkhabu Rs 10000 man hu leh Certificate & Citation a keng a. Silver Medal hian Rs. 10000 leh lehkhabu Rs. 3000 man hu leh Certificate & Citation a keng a ni.
Dil duh leh hrechiang duh tan Directorate of Social Welfare, Chaltlang, District tina Deputy Commissioner’s Office leh ICDS Office hrang hrangah te, BDO Office ah te zawh chian theih a ni a. Website www.wcd.nic.in ah en theih reng a ni bawk. Dilna hi Dt. 25.6.2017 aia tlai lovah Directorate of Social Welfare, Chaltlang, Aizawl ah thehluh hman vek tur a ni ang.
