Vawiin khan DC Conference Hall Mamitah Mamit District Legal Services Authority (DLSA) hmalaknain The Mizoram Victims of Crime Compensation (Amendment) Scheme, 2016 hnuaiah Mamit District chhunga mipat hmeichhiatna kawnga tawhsual tawkte leh tualthahna avanga tawhsual tawk chhungte, mi pasarih hnenah Zangnadawmna Pi Lalbiaksangi, Mamit District Bawrhsap chuan a semchhuak.
District Bawrhsap chuan tawhsual tawkte chu hun harsa paltlang in ni tawh a, chu in harsatna tawh chu in hmalam hun atana chhelna leh tumruhna nen a hmalam thlir tur leh zirna kawngah tan la a, hmalam hunah mi chhuanawm tak an la nih theih thu a sawi.
Compensation hi a vaiin Cheng Nuai 39 sem chhuah a ni a. Tanpuina dawngtute hi an harsatna tawh dan azirin an pawisa dawn erawh a inang lo a ni. Tun dinhmunah Zangnadawmna Application thar hi Mamit District chhungah 10 a lut leh tawh a ni.
He hun hi Pi Gracy. L. Bawihtlung, CJM Mamitin kaihruaiin Pu Narayan Thapa, SP Mamit pawhin thu a sawi a ni.
