Vawiin khan AH&Vety Complex, Farm Veng, Lunglei ah AH & vety Department hnuai a vawlh vulh thlangtu te hnen ah NLUP 3rd leh 4th Phase Pu Zathangliana, District NLUP Co-ordinator Lunglei in a sem.

Vawk note semna inkhawm hi Dr.Vanlalbuanga, DVO, Lunglei in kaihruai in Pu Zathangliana chuan Sawrkar hmalakna tih hlawhtlin hi a dawng tute mawhphurhna a ni a, eizawnna nghelnghet nei turin vawk vulh thlang in ni a ti. Vawk vulh a puitlin tawh hnu a tih ral a vulh leh tum lo hi an tam hle a, hei hi sawrkar duhdan a ni lo a ni. Vawk note te hi vulh a eizawnna tlak a chhungkaw chawm theih nan a hmang theuh turin a chah bawk a ni. NLUP tih hlawhtlin hi a dawngtu te mawhphurhna a ni a, rinawmna leh taihmakna nen a ran vulh theuh turin a duhsakna a hlan a ni.

Dr.Lalnuntluanga Colney, Jt Director, Ah & Vety Department (Southern Zone) Lunglei pawhin thu sawi in vawk note tanpuina in dawn te hi uluk takin enkawl ula, hlawhtling taka in enkawl chuan sawrkar in ti hmingtha anga, nangmahni pawh in hming a tha ang a ti. Sawrkar in a tih tur a ti a, a tih hlawhtlin chu in bat a ni a ti bawk.

Vawiin a NLUP 3rd & 4th Phase sem chhuah dan chu hetiang hi a ni.

Vawiin a NLUP 3rd & 4th Phase Vawk note sem hi an vai in chhungkaw 230 hnen ah vawk note 1155 sem a ni.