Vawiin khan I&PR Conference Hall, Mamit-ah District Child Protection ( Social Welfare Department) buatsaihin naupangte dikna leh chanvo in hrilh hriatna hun hman a ni.

He hun Pi C. Lalrinpuii CDPO, West Phaileng kaihhruaiah hian Pi Lalmuankimi Chuaungo, Protection Officer, DCPS chuan Integrated Child Protection Scheme (ICPS) chungchang chipchiar taka sawifiahin ICPS hi JJ Act behchhanin Ministry of Women and Child Development hnuaiah State hrang hrangah hman a lo ni tak thu te, Mizoram sawrkar pawhin 30th April 2010 khan Agreement a signed thu te a tarlang bawk a.

Pu Lalremruata Legal cum Probation Officer, DCPS Mamit pawhin naupangte dikna leh humhalh an tulna te chipchiar takin Slide show hmangin a hrilfiah bawk a ni.

Pu Lalbiakkila, Child Welfare Officer, Special Juvenile Police Unit(SJPU) pawhin he hunah hian 18 la tling lo naupangte chu Juvenile Justice (Care and Protection of children ) Act (JJ Act 2006) in chi hnih a naupang enkawl ngai leh venhim ngaite leh Dan kalh a naupang awm te, a then thu leh chung naupangte chu engtianga kaihruaia enkawl chhoh zel tur nge tih te a zirtir a, Child Welfare Committtee nih phung leh hnathawh dan turte chipchiar takin a zirtir bawk a ni.

He inhrilhriatna hunah hian YMA leh MHIP aiawhte an tel tha hle a ni.