Naktuk November ni 14 hi Childrens’ Day, naupang te pual bik ni a ni a, hemi Ni denchhen hian vaihlo hi mihring te tan a thatloh zia zirtirin, Mizoram State Tobacco Control Society chuan Brighter Higher Secondary School, Republic Veng-ah hun an hmang dawn.
He programme ah hian vaihlo in mihring nun a suat nasat zia te naupang te hnenah zirtirna pe in,Voice of Tobacco Victims – vaihlo hman vanga vanduai thlak tak a cancer lo vei ten naupang te hnenah testimony pe in, zirtirna an pe bawk ang. Naupang te hian an nun hman chhoh zel na turah vaihlo leh a kaihhnawih thil reng reng atang a fihlim duh na rilru an neih theih ngei beiseina nen he programme hi hman tum a ni.
Childrens’ Day hi naupang te pual bik a ni a, khawvel ram hrang hrangte leh United Nations Organization hial pawh in a pawmpui a ni. Hemi ni hi naupang te pual anih ang ngei in naupangte dikna leh an chanvo leh an hun lo la awm zel tur atan a khawvel him leh nghahfak awm siam sak hi mitin mawh niin, hemi lamah zirtirna pek pawh kan mawhphurna vek a ni.Childrens’ Day hi Prime Minister hmasa ber Pandit Jawaharlal Nehru a piancham a ni a, naupangte a hmangaih em avangin a piancham hi Naupangte Ni a hman thin a ni.
