India rama NCC hotu ber, Director General Lt.Gen. A.Chakroborty in nimin tlai khan Chief Minister Pu Lal Thanhawla chu a chenna bungalow-ah a hmu.

NCC hotupa leh Chief Minister te chuan NCC in Mizoram chu Hmarchhak biala NCC Air Wing hmunpui ber ni tura ruahmanna an siam te an sawi a. Chief Minister chuan Flying Club din nise tiin rawtna a siam bawk a.  NCC te tana outdoor camp Tuirial Airfield chhehvela  buatsaih chungchang leh Mizoram NCC chu battalion a hlankai chungchangte an sawi bawk a ni.

Chief Minister leh DG te hian duhsakna thilpek an inhlan ve ve bawk.

Director General hi hmarchhak bial hotu Additional Director General Major General Satinder Kohli leh 23 Sector Assam Rifles DIG Brig. T.C.Malhotra ten an tawiawm a ni.