Vawiin khan National Commission for Minorities (NCM) Member, Capt. Praveen Davar chuan Kolasib District a tlawh a, Kolasib DC Pu H. Lalengmawia leh Kolasib-a Head of Office engemaw zat ten  Circuit House ah an lo dawngsawng a. Capt. Praveen Davar chuan Religious minorities te hmakhuana leh hamthatna atana kalpui mek Prime Minister's New 15 Point Programme for the Welfare of Minorities chungchangah meeting a neihpui nghal a. Hemi hnuaia ruahmanna hrang hrang kalpui mek te, a huam chin te leh harsatna an neih te a zawt bawk a ni.

Capt Praveen Davar chuan Prime Minister's New 15 Point Programme for the Welfare of Minorities, Mizorama kalpui mek zirchiang leh a dinhmun en tura lokal anih  thusawiin Delhi atanga lo zin thinte chuan state capital an tlawh mai chu an duhtawk thin a, mahse District kilkhawr leh field ah te kal hian thil kalphung leh nih zia hi a takin a lang thin a chuvangin amah pawh hian hetianga District tlawh programme a siam a ni tih a sawi. DC leh officer dangte he Programme hnuaia thil hrang hrang awmte kalpui mek dan chanchin kimchang an hrilh a, a hriatbelh duhte chu April ni 15 aia tlai lova ziakin thil thenkhate chu amah hnenah thehlut turin a hrilh bawk a ni.

Hemi zawh hian Capt. Praveen Davar chuan Kolasib District-a sikul 7 atanga thlanchhuah zirlai 140 te tan St. John's Higher Secondary School-ah Jawaharlal Nehru a chungchangah ziakin zawhna chhanna hun Quiz Competion a neihpui a ni.