Vawiin chawhma ah khan Secretariat Conference Hall ah ni 5 chhung cham tura rawn zin Capt. Praveen Davar, Member, National Commission for Minorities chuan Pu Lalmalsawma IAS, Chief Secretary leh sawrkar hotulu te a kawm a.
Capt. Praveen Davar hian a lokal chhan chu Mizoram chhungah Minority Affairs Ministry hnuaia hmalakna pawimawh tak pahnih Prime Minister’s 15 points programme leh Multi-sectoral Development Programme (MsDP) eng ang chiah a tha in nge kalpui a nih tih rawn endik a nih thu a sawi a. Mizorama cheng tam zawk hi Christian an nih avanga Minority an nih tho rualin state mipui tam lam atanga teh chuan majority an ni a. Sakhaw dang betu mitlem zawk India Danpui in minority a tih te hi ngaihven leh duhsak an ngai a chu chu Mizoram sawrkar pawh in ngai pawimawh se a duh thu a sawi a ni. Mizoram a district zawng zawng te la fan chhuah vek a tum thu sawiin heng district chhunga cheng minority te hian Prime Minister’s 15 points programme leh Multi-sectoral Development Programme (MsDP) hnuaia hamthatna an dawn vek Minority Affairs Ministry chuan a phut a ni a ti.
Chief Secretary Pu Lalmalsawma’n Mizoram sawrkar dinhmun tlangpui leh a micheng chungchang te a sawi hmasak hnu in SWD, School Education, UD&PA, RD, LE&IT leh MBSE hotuten Minority Affairs Ministry hnuaia hmalakna an kalpui dan report kimchang Capt. Praveen Davar hnenah hian thehlut in sawi zauna hun an hmang a ni.
