Vawiin chawhma dar 10:00 khan Transport Minister Pu John Rotluangliana chuan Railway Broad Gauge Conversion hna kal mek endikin Silchar - Badarpur section a rel kawng Arunachal Junction leh Salchapra Station a tlawh.
Railway lam hotu Chief Administrative Officer (Construction) Ajit Pandit leh Chief Engineer (Construction) Ravindra Ram, Mr Solanki Chief Signal Engineer BL Mina Chief Electrical Engineer leh officers dang te'nen Silchar Mizoram House-ah railway chungchang an sawi ho a. Hna hi tluang taka thawh a nih chuan duan lawk angin Good Train chu 20 March 2015 ah tlan tir hman rin a ni. Railway lam hotute chu Pu John Rotluangliana chuan theih anga chaka hma la turin a ngen a. Railway lam hian theih ang hmalak an tum sawiin, a lo berah March 31, 2015 chuan Commission hman ngei an tum thu an sawi.
Minister hi Pu Hrangtawna, IRTS, Comissioner/Secretay Transport Department; Pi Ethel Rothangpuii, Dy. Director, Transport leh Silchar Mizoram House Dy. RC. Pu VL.Malsawmsanga ten' an tawiawm a, NATRIP National Institute of Automative Inspection, Maintenance and Training (NIAIMT) a tlawh leh a ni.
- Loading attachment...