Ram pum huap National Cooperative Union of India (NCUI) in June ni 25 - 26 2013 a Indian Cooperative Congress vawi 16-na Siri Fort Auditorium, New Delhia an hman turah,  Khuallian tur India President Pu Pranab Mukherjee chuan  Congress hi 25 June 2013 chhun dar 12:00 ah a hawng dawn a; Khualzahawm turin Chief Minister Pu Lal Thanhawla chu sawm a ni.

He sawmna chungchangah Chief Minister Pu Lal Thanhawla chuan he Cooperative Union Congress vawi 16-na neih tura India President meuh Khuallian tura an sawmnaah, ani khualzahawm tura an sawmna chu a zahawmin a lawmawm hle a ni, a ti.

NCUI hawnna inkhawm hi Union Agriculture Minister Pu Sharad Pawara’n a kaihruai ang.