Inrinni kalta (June 8,2013) khan AH & Vety minister Pu Nihar Kanti Chakma chuan tanpuina chi hang hrang a sem a, a vaiin Rs 49,21,300 sem niin rangval bundle 400 sem a ni bawk. Heng tanpuina sum te hi mi retheite khâichhuahna tura Sorkar-in ruahmanna chi hrang hrang a kalpui mek hnuaia a dawng tura thlanchhuah chhungkaw 448-te hnenah sem a ni.

Tlabunga BNRGSK building-a tanpuina sem inkhâwm tâwi buatsaihah Ah & Vety Minister Pu Nihar Kanti Chakma chuan thu sawiin "Pu Lal Thanhawla kaihhruai sorkar chak tak chuan kum 4 leh thla 6 chhungin mipuite eizawnna nghet tak neih theih dan tur ngaihtuahin nasa takin hna a thawk a ni." a ti a, tanpuina an dawn chu awmze neia hmang theuh tura a dawngtute chahin "A dawngtute'n dinkhawchhuah na'n kan hman a pawimawh a, chu chu sorkar thil tum lian ber a ni." a ti.

Inrinni-ah hian Industries department hnuaia NLUP tanpuina sum Rs 18,85,600 chu a dawng tura thlan chhuah chhungkaw 92 te hnenah sem niin, Soil department hnuaia NLUP tanpuina sum Rs 9,21,200 chu a dawng tura thlanchhuah chhungkaw 57-te hnenah sem a ni a; hei bakah hian  Fisheries department hnuaiah mi 65-te chu Sorkar laipuiin sangha mantute puala tanpuina a sem thin pêk niin hemi atan hian Rs 7,12,500 sem a ni a. AH & Vety dept. hnuaiah tanpuina dawng tura thlanchhuah chhungkaw 12 te hnenah Rs 13,36,000 sem a ni a, Sericulture department hnuaia tanpuina sum ruahman Rs 66,000 dawng tura thlanchhuah chhungkaw 22 hnenah sem a ni bawk.

Tanpuina sum fâi bakah hian rangval bundle 400 pawh chhungkaw 100-te hnenah Inrinni hian sem nghal a ni bawk.