60/2025-2026

4th April, 2025 : April ni 2-5, 2025 chhungin Commonweath Parliamentary Association (CPA), India Region, Zone-III chuan North East state-a Speakers & Dy. Speakers' Executive Committee Meeting, Gangtok, Sikkim ah an nei mek a. He meeting ah hian Mizoram Assembly Speaker Lalbiakzama leh Dy. Speaker Lalfamkima te pawh telin, India hmarchhak bial tana thawhhona ṭha zawk te, harsatna hmachhawn leh do let tura hmalak ṭulna te an sawiho a ni. Chung zingah chuan kawngpui dinhmun te, drugs hluar chho mek te leh lirnghing thulha ṭanho dan te a tel.

Hemi hunah hian North East-a Speaker leh Dy. Speaker te an tel kim hle a; a thlengtu state Sikkim Chief Minister chuan ṭha taka lo dawngsawngin a ṭul dan ang zela thukhat vuan a, chona hmachhawn turin an state chu a inhawn reng thu a sawi.

Chutiang tur atana hmalakna pawimawh tak North East Speakers/Dy. Speakers ten Guwahati-a hmunhma an neih te tih changtlun dan leh awmze nei zawka kalpui dan tur te an rel bawk.

Unau anga hmalak dan tur thil tam tak an sawi a. Chumi zingah chuan Sikkim-in thlai leh theia an hlawhtlin dan te, Assam pawh upa ber chan changa a inhawn a ngaih thu te, kawng hrang hrangah inpawhtawn tak a hmalak a ṭhat thu te sawihovin, he meeting hian rah ṭha a chhuah ngei an beisei a ni.