2824/2023-2024

Marpara ‘S’, the 22nd of November, 2023: Nimin (21.11.2023) chawhnu dar 1:00 khan Block Development Officer, R.D. Block, Bunghmun buatsaihin Zonal YCA Hall, Marpara ‘S’ ah pa khawi zirna (Training on mushroom cultivation) neih a ni a, he hunah hian KVK Hnahthial atangin Dr. Lalngaihawmi, Subject Matter Specialist leh Pi Lalhmangaihzuali Hnamte, Senior Research Fellow (Arya) te’n zirtirna an pe a ni.

Training hi Sawrkar laipui, Ministry of DoNER hnuaia North Eastern Council project “Proposal of identified village for providing key identified services at Marpara 'S' village of West Bunghmun RD block, Lunglei District” hnuaia buatsaih a ni a. Training hawngtu Pu H. Lalramenga, BDO Bunghmun chuan thiam duh tak takna rilru nei chunga thahnemngai tak a training tur leh, an thil zirchhuah te midang hrilhchhawn ui lo turin kalkhawmte a chah a ni.

Training ah hian Marpara ‘S’ khua atanga mi 15  telin, hlawhtling taka pa khawi tura tih ngai hrang hrang te a thu (theory) leh a tak (practical) in zir a ni a. Buhpawl chhum atanga saranga khung hran dan te, pa (mushroom) lo to chhuak tui pek dan tur te ngaihthlak niin, natna hrik lak a a him theih nan a khawitute taksa leh bungrua inbuatsaih ngai te zirtir an ni bawk a ni.