Vawiina tan, ni hnih awh tur North Eastern Council (NEC) Plenary Meeting vawi 69-na, Union Home Minister Pu Amit Shah kaihhruaina hnuai Shillong a neih mekah, Hmarchhak state 8 zingah Mizoram chu Utilization Certifiate thehluh tur pending nei tlem ber anih thu tarlan a ni a. He thu hi NEC Secretary Pu Moses Chalai, IAS in NEC hnathawhna a tarlanna presentation ah a sawi a ni.

NEC hnathawh kallai mekah Utilization Certificate (sum pek tawh hman zawhna lehkha) thehluh tur 309 cheng vaibelchhe 479.84 a awm mek a. Mizoram chuan UC pending 5 ciah, cheng vaibelchhe 5.26 a neih laiin chu UC pending nei tam ber chu Arunachal Pradesh niin UC la thehluh lo 63, cheng vaibelchhe 65.52 a nei mek a. Mizoram hi UC pending nei tlem ber niin a dawt chu Tripura, UC pending 12, cheng vaibelchhe 25.38 hu nei a ni a. State dangte dihhmun chu : Assam, UC pending 39, cheng vaibelchhe 51.61 hu; Manipur UC pending 50, cheng vaibelchhe 63.26 hu; Meghalaya UC pending 12, cheng vaibelchhe 21.41 hu; Nagaland UC pending 40, cheng vaibelchhe 50.56 hu leh Sikkim UC pending 15, cheng vaibelchhe 17.22 te an ni a. Central Agency leh adang ten UC pending 61, cheng vaibelchhe 179.62 hu an nei mek a ni.