No.7307/2020-2021

Vawiin chawhnu khan Nursing Conference Hall, Salem Veng ah District Local Administration Office, Lunglei leh  Salem Veng Village Council te buatsaihin tualchhung sawrkarah mipuite huam zau zawka an lo telh ve theihna tura hmalakna chikhat  Participatory Budgeting Initiative Salem Veng  Village Council chu HPC, Vice Chairman, Pu Lawmawma Tochhawng in khuallian niin tlangzarhna a nei ani.

He hun hi Pu Joseph Lalhriatpuia, VCP, Salem Veng in kaihruaiin Pu Lawmawma Tochhawng chuan sawrkarah  mipuite kan tel theihna tura hmalakna chikhat Participatory Budgeting Initiative ngaihtuah chhuak tu Pu James Miahlung, DLAO chu chhuanawm ati a. Salem Veng chu hmasawnna kawnga ke pen hmasa an ni hi a lawmpui a, he hmalakna ah hian development sum hmuh atanga veng chhung hmasawnna hnathawh tur mipui rawtna kaltlanga siam anih tur te hi thawhona tha tak nena kalpui a, veng mipui ten tangkai taka hmang turin a duh thu a sawi ani. Mahni veng changkanna tur hi mi kut a dah lovin a tih changkanna ah tel theuh turin veng mipuite a chah a. Sorkar hmalakna ah ka tel ve anih ti hria a veng hmasawnna turah ke pen theuh turin kalkhawm te  a ngen ani.Sawrkar pek  ringawt a innghat lovin mipui ten tha kan thawh ve a ngaih thu a sawi bawk.

Pu James Miahlung, DLAO, Lungleiin thuhma sawiin tualchhung sawrkar hi a neitu diktak chu mipui te hi kan ni a, hmsawnna leh changkanna te hi sawrkar chauhin a ti theih lova, veng mipui te thawhohna a hmalak angaih thu a sawi. Salem Veng hi Transparency Initiative phase I kalpui naah pakhatna an ni a, hemi anih avang hian sawrkar sum ruahhmanna mipui te hriatpui a hman turah hian Lunglei District ah kalpui hmasa ber tur thlan ani ati.

Participatory Budgeting Initiative ah hian Salem Veng VC in kum 2021 chhunga development sum an hmuh hrang hrang atanga hmasawnna hnathawh turah rawtna siamin vote hmangin project tha ber pathum thlang chhuakin hmalak ani ang a, hnathawh zawhah ah mipuiten a that leh that loh an en thin ang.