No.7306/2020-2021 

Vawiin khan Commerce & Industries Minister Dr R Lalthangliana chuan India leh Myanmar ramri a insumdawn tawnna tur Saisihchhuah Border Haat a tlawh.

Commerce & Industries Minister Dr.R.Lalthangliana chuan Saisihchhuah Border Haat a ram pahnihte insumdawn tawnna tura hmalakna kal mek chuan economy-a Mizoram chawikang thei tur rahbi pawimawh tak la ni mai tur a ni a,Mipui te chhawr theih hun a nghahhlelh awm hle tawh a,  hmachhawp awm mek inkalpawhna Lei dawh leh hmalakna tur la awm te chak zawk a bawhzui a nih theih nan Sawrkar Laipui lam mai bakah Myanmar Sawrkar hotute pawh a theih dan angin a rang lama sawipui a tum thu a sawi.

Health Minister chuan Covid-19 hrileng mek chungchang sawiin Covid 19 hrileng dolet kawngah Mizoram chu India state zinga ti tha ber kan ni a,state dangte nena khaikhinin Covid 19 vanga thi tlemna ber state kan ni bawk hi a lawmawm tak zet a.Hei hi Mizoram mipuite kan zavaia tan tlanna rah a ni a, kan phak tawk leh tlin tawkah mimal,pawl,Kohhran,Sawrkar leh mipui ten lungrual tak leh theihtawp chhuaha kan beih tlanna leh theihtawpa Lalpa Kan auhna hi Pathianin min chhang a ni, a ti bawk.

Minister hian vawiina South Tuipui MNF Block II te buatsaih Political Training South Vanlaiphai Tourist Lodge a neih pawh a hmanpui bawk a ni.

Minister Dr.R.Lalthangliana hi Pu ZR.Thiamsanga MLA, Vice Chairman Health & Family Welfare Board leh midang ten an tawiawm a ni.

Attachment

  • Loading attachment...