Vawiin chawhma khan NEC Auditorium, Nongrim Hills-ah North Eastern Council(NEC) leh North Eastern Space Application Centre(NESAC) tangkawp chuan lirnghing a lo thlen palh huna nunna tam zawk chhanchhuahdan, chhiatna liantham zawk pumpelh dan leh lirnghinna hmunhma chinfel dan mumal zawk zirchianna, "Workshop on Recalling the Great Shillong Earth, 12 June 1987: Quest for Reliable & Effective Mitigation and Post Disater Strategies" an huaihawt a ni.

He thilpawimawh tak zirchianna hunah hian chhanchhuah hna thawktu Department hrang hrang - NDMA, SDMA, NDRF, SDRF leh State Civil Defense bakah Directorate of science & Technology aiawh ten an hnathawh tawhna atanga an thil hmuhchhuah leh rawtna tha zawk nia an hriatte an sawiho a. Tun dinhmuna chhanchhuahna hmanraw an neih mek te, an indaihlohna te leh hmanraw changkang zawk mamawhna lai te pawh chipchiar taka tarlan a ni.