994/2022-2023
Kolasib dated 22nd June 2022: Tukin khan Pu K.Moses Chalai, IAS, Secretary, North Eastern Council chuan Godrej Agrovet Ltd. Palm Oil Factory, Bukvannei a thlawh a. Pu John LT Sanga, Deputy Commissioner leh Pu Ngurrinsanga Sailo, District Agriculture Officer-ten tawiawmin Pu Lalruatkima, Executive – Extension Officer, Godrej Agrovet Ltd. chuan Palm Oil Factory-a hna thawhna kalpui dan tarlanna hun a hmang bawk a ni.

Pu K.Moses Chalai, IAS, Secretary, NEC chuan Sawrkar hmalakna kalpui kawngah Mizoram chu hmarchhak state dangte nen khaikhin chuan a titha pawl an nih a rin thu a sawi a, mizo thalaite leh tunlai thiamna hmuhchhuah thar ang angte chu hmasawnna hna thawhna kawngah hman ?angkai thiam a pawimawh thu a sawi.

Kolasib district chhunga Oil palm rah thar chhuah a?anga za zela 20 bawr vel chu inkalpawhna harsat avangin Palm oil factory a thlen ?hin loh thu thawktuten an tarlan angin NEC Secretary chuan DC Office, Kolasib leh Godrej Agrovet Ltd. Palm Oil Factory-te ?angkawp a mumal tak a zirchianna kalpui turin leh chung harsatna sutkian a nih theih nan ruahmanna felfai tak siam turin a chah. State ?henkhatah chuan Oil palm herna fe chu sangha leh ran chaw siam nana hmanraw ?angkai tak a nih thu Pu K.Moses Chalai chuan sawiin Palm Oil Factory pawh chuan chutiang tur a ruahmanna siam turin a chah bawk a ni.

Pu Lalruatkima, Executive-Extension Officer, Godrej Agrovet Ltd. tarlan danin October ni 28, 2014-a hawn Palm Oil Factory, Bukvanneiah hian Oil Palm chingtu mi 600 bawr velin 1,300 Hectare a zau Oil Plam chinna hmun an enkawl a. Kum 2021-22 chhung khan Oil Plam rah kg khat Cheng 5.50 a leiin Kolasib district-ah Metric Ton 1600 an lei thu a sawi a, April 2022 atang khan an leina man hi tisangin kg khat ah cheng 10 a nih tawh thu a sawi.