NEDFI buatsaih insawisiaknaah hi NEDFI Lunglei Branch Manager Pu Lalhruaizela Fanai-in a kaihruai a, he hunah hian Lunglei-a zirna in hrang hrang - Lunglei Govt College, Govt. J.Buyana Cllege, HATIM, DIET & Polytechnic zirlaite bakah MSU, MHIP leh MUP atangte pawhin an rawn tel a. Lunglei khawpui chhunga Bank dangte - APEX Bank, Canara Bank, SBI, IDBI, HDFC - aiawhte pawhin he hun hi an rawn chhim a ni.

Corruption chungchanga insawisiaknaah hian DIPRO Lunglei Pi Mina Zoliani leh Dr.KL Biakchungnunga, Lecturer, BHSS te chu endiktu an ni a. NEDFI Elocution lawmman latute chu :
1st Prize : Vanlalvena Ralte Kawlni, Govt JB College (Certificate + Rs.2500/-)
2nd Prize : Lalrinngheta Sailo, MSU (Certificate + Rs.1500/-)
3rd Prize : Lalnunsanga, HATIM (Certificate + Rs.1000/-)
Consolation Prizes : 1).Lalnuntluanga Chhakchhuak, Lunglei Govt College & 2).Zirkunga Khawlhring, DIET (Certificvate + Rs.500/- ve ve) an ni.

NEDFI hi India hmarchhaka state awmte hmasawn nan kum 1995 khan India Parliament-in a din a ni a, DoNER Ministry hnuaia enkawl a ni. NEDFI chuan Industry leh sumdawnna thilah loan pechhuak thin a, nuai 100 hnuai lamah chuan kum 1-ah 8% chauh pung awmin a puk tir thei a ni. NEDFI Lunglei Branch hi kum 2012 khan bultanin sumdawng mi 60 chuang hnenah loan a pechhuak tawh nghe nghe a ni.

Attachment

• Loading attachment...