Vawiin khan Diakkawn YMA Hall-ah New Economic Development (NEDP) Entrepreneurship Awareness Programme hman a ni a, Pu Benjamin, IDAS, Commissioner & Secretary, H & TE & Member Mizoram Entrepreneurship Development Monitoring Committee (MEDMOC) chu khuallian a ni.
Khuallian Pu Benjamin chuan tun dinhmun ah hna neilo Employment Exchange a inziaklut mi 40000 chuang an awm a, heng zingah hian zir sang tak tak te awmin hei hian zirna sang nei pawhin hna an hmu veklo tih a chiang a ni a ti a. Skill tello Education ringawt a tawk zo tawhlo a, mahni inrintawkna nen ke pen a ngai a ni a ti a. Khawtlang a inhman luat leh rual pawl tam lutuk hi thalai te hmasawnna mutan ber a ni a ti a. Entrpreneur turin mahni a penchhuah angai a, midang tihdan zir ringawt lova mahni kalna awm ngaihtuah a tul a ni a ti a ni.
Vawiin Awareness Programme hi Pu H.Lalengmawia, Deputy Commissioner Kolasib District in a kaihruai a. He hunah hian NEDP hnuaia Entrpreneurship chungchanga inzirtirna Dr. Laldinliana Varte, MZU Expert Member MEDMOC in pe in, hmasawnna kailawn atana tul hrang hrang te a tarlang a. Zawhna leh chhanna hun te hman niin, hun hlawkthlak tak hman a ni.
Vawiin a he programme hmanna ah hian Kolasib a YMA, MHIP, MUP Branch hrang hrang hruaitute bakah College leh DIET zirlai te bakah, sorkar department hrang hrang leh media lam te an tel tha hle a ni.
