Mizoramah hmasawnna chak zawka a kal theihna tura Sawrkar flagship programme New Economic Development Policy (NEDP) hnuaia hmalakna peng pakhat Entrepreneurship Development Scheme (EDS) kaltlangin ni hnih chhung awh tur (May 31^st – June 1^st 2018) Mizoram pum huap NEDP Entrepreneurship Conclave 2018 chu Lungleiah nghah a ni dawn. He Conclave hi High Powered Committee (HPC), Lunglei leh Mizoram State Entrepreneurship Development Monitoring Committee (MEDMOC) tangkawp ten an buatsaih ang.

Hemi chungchang sawiho tur hian nimin khan Chief Planning Officer, HPC leh Member Secretary, MEDMOC ni bawk Dr Lalrinchhana hovin a Office Chamber-ah Press Meet neih a ni. Meeting-ah hianLunglei DIPRO Pi C. Lalremruati leh DRO Pu C. Vanlalmuana  an tel a. Lunglei District MJA Officer Bearer-te an President Pu H. Lalthansanga hovin an tel bawk.

Dr Lalrinchhana chuan NEDP Entrepreneurship Conclave 2018 neih tur chungchang sawiin thalai tam zawk ten mahni kutkawiha eizawnna kawng an zawh theih nan he Conclave hi buatsaih a ni dawn a ni, a ti. Sawrkar hmalakna pawimawh hrang hrang mipuite hrilhhre tur leh a zau thei ang bera puangzarturinmedia mi te an pawimawh takzet a ni tiin he Conclave hlawhtlinnaturinMJA hotute chu thawhho puiah a sawm a ni.

Lunglei District MJA President Pu H. Lalthansanga chuan sawrkar hmalakna hrang hrang te phur taka tawiawm zel an tum thu a tarlang a ni.

NEDP Entrepreneurship Conclave 2018 chu sumdawnna bul tan tum te, sumdawnna lian zawka kalpui duh te, sumdawnna chungchanga zawhna nei te, sumdawnna bul tan duh si, bul tanna nei lo te leh business idea tha tak a taka chan tir duh te tan ruahman a ni a.  Mahni kut kea din tum te kawng kawhhmuh tur leh an mamawh hrang hrang te zirchianga entrepreneuship chungchang inhrilhhriat chu he Conclave-in a tum ber a ni. Conclave-ah hian Stall thahnem tak buatsaih a ni dawn a, 'Micro Start-up Competition' titha thlanchhuah mi 35-ten an thil siaman phochhuak ang. Hemi bakah hian Lunglei khawpui chhunga Bank hrang hrang manager-te leh Entrepreneuship lama mithiam rual Master Trainer-te an rawn tel dawn a, entrepreneurship lama hriat duh apiang an zawh theih bawk ang. NEDP Entrepreneurship Conclave 2018 hi May 31^st leh June 1^st, 2018 ah Convention Centre, Lungleia neih tum a ni.