Vawiin chawhma dar 11 khan Finance Secretary Pu Lalmalsawma chuan NEDP hnuaia Uttarakhand-a Press Study Tour-a kal tur te I&PR Directorate kawtah a vailiam.

Pu Lalmalsawma chuan Press Study Tour chu hlawhtling taka nei tura duhsakna hlanin state danga an thiltih dan changkang leh tha zawk te rawn zirchhuaka, Mizoram tana hlawkna engemaw tal hawn ngei turin a chah a ni.

Vailiamna hun hman hma hian I&PR Director Pi Lalnithangi pisa-ah zin turte tan thil tul inhrilhhriatna hun hman a ni bawk.

Uttarakhand Press Study Tour ah hian I&PR Officer pahnih Pi K.Vanlalsangi leh Pi Emily Lalrinpuii te kaihhruaiin journalist 10 an kal a, NEDP hnuaiah kumin chhung hian Press Study Tour vawi li neih tura ruahman a ni a. Tun hi a batch hmasa ber niin batch dang pathumte hian November leh December thla chhungin Rajasthan, Gujarat leh Himachal Pradesh an tlawh dawn a. Batch tinah hian I&PR Officer pahnih zelin Aizawl District atangin journalist 3 leh District dang atangin pakhat theuh an hruai thin dawn a ni.