Mizoram sawrkar policy thar New Economic Development Policy (NEDP) hnuaia Agricultue Deptt ten Purun sen an chin chu vawiin atangin Directorate of Agriculture, Centre Store ah kg ah cheng 30 a hralh chhuah a ni.

NEDP hnuaiah hian District paruk-a ram 240 acre ah purun sen hi chin a ni a, vawiin a zawrh chhuah te hi Thingdawl Agriculture Farm a mi niin heng purun te hi Bhima Shakti variety a ni. Khaw awm dan in a zirh loh avangin kumin a chin te hi duh angin a thar tam thei lova, amaherawhchu hei aia nasa zawka chin chhunzawm tum a ni.

Mizoram sawrkar ruahmanna angin kum 2017-18 chhung hian ram zau zawk ah purun chung tur a hmalak a ni a, tunah hian District tinah a chingtute thlan mek niin May thla chhunga tihfel hman tura hmalak a ni.