Nimin (12.5.2016) tlai dar 3 khan Chief Minister hovin New Economic Development Policy hlawhtling taka kalpui dan tur sawiho a ni. 

He meeting ah hian New Economic Development Policy a Department hrang hrang hmalak dan tur fel fai taka tarlan tawh chu thlir hovin kalpui zel dan tur uluk takin an thlir ho a. Policy siamthat leh siamthar ngai chak taka hmalak dan tur te, Convergence agenda kalpui dan tur te, Reforms agenda kalpui dan tur te, leh key growth drivers thlan chungchanga Department hmalak dan tur te chipchiar takin an thlirho a ni.

Meeting chuan chak taka hmalak anih theihnan Mizoram State Planning Board chuan a tul angin Councils of Ministers te meeting neih pui nise, A tul anga Department te enpui leh landholding support pawh pek nise tiin a rel a. New Economic Development Policy in hmasawnna kawnga hna peng hrang hrang a thawh tur-ah Department tin ten thahnemngai leh theihtawp chhuaha an kalpui theih nan  ngun takin vil sela an ti bawk.

Meeting ah hian Chief Minister bakah, Pu R. Lalzirliana, Agriculture Minister; Pu Lalsawta, Planning/Finance Minister, Pu H.Liansailova, Vice Chairman, MSPB; Pu Lalmalsawma, Chief Secretary; Pu Lalram Thanga, Principal Secretary leh Dr. C. Vanlalramsanga, Planning Secretary te an tel a ni.