Tunlai hian Mizoram chhunga District hrang hrang, a bikin Champhai District ah Vawk natna Porcine Reproductive & Respiratory Syndrome (PRRS) hri a leng mek tih hriat a ni a. He hri leng mek hi a darh zau zel loh nan leh mipui vantlang him zawkna turin mipui vantlang leh vawk vulh tute hriat leh zawm ngei turin Aizawl D.C chuan Section 144 Cr. P.C danin thuneihna a pek angin ahnuai ami ang hian thupek a chhuah.
Mi tumahin Myanmar leh Manipur atangin Vawk vulh tur emaw hralh chhuah tur chi reng reng an la lut tur a ni lo. Tin, vawk vulh lai mek ten an vawk vulh Porcine Reproductive & Respiratory Syndrome (PRRS) hri vei mek chu an hralh chhuak tur a ni lo a, an phum bo ngei tur a ni.
Tin, Champhai District-ah PRRS natna a leng nasa tih hriat a nih avangin Aizawl District chhunga he natna hi a darh lohna turin mi tumahin Champhai District atangin vawk an la lut tur a ni lo.
He thupek hi a chhuah ni atanga chhiarin thlahnih (2) chhung a huam ang.
