Mizoram sawrkar Flagship Programme thar New Economic Development Policy hnuaia hmalakna pawimawh pakhat, Entreprenuership Development (rahchhuak thei ruahman thiamna) inhrilhhriatna hun Dt. 8.8.2017 khian DC Conference Hall ah neih tura ruahman a ni a. Business Plan Contest (hmalakna in-ruahman siakna) he programme hnuaia neih chhoh tur chungchang inhrilhhriatna hun pawh buatsaih a ni ang. 

New Economic Development Policy (NEDP) hnuaia Entreprenuership Development in a thil tum chu thalai/thangthar leh khua leh tui; mahni kea din chhuahna khawp suangtuahna fing leh remhriatna nei, thil siamchhuah lam te, sumdawnna lam chi hrim hrim leh thawkchhuaktu ni thei tura ruahman thiamna nei te haichhuah leh a theih anga tanpui a ni a. He hmalakna enkawl tur hian Chief Secretary kaihhruaiin Mizoram State Entreprenuership Development Monitoring Committee (MEDMOC) din a ni. MEDMOC hian India rama zirna school rintlak berte zinga mi Indian Institute of Management Culcutta Innovation Park (IIMCIP) te nen thawhdunna thuthlung an siam nghe nghe a ni. An hmalakna pawimawh tak Mizoram Kailawn (Business Plan Contest) pawh Dt 18.7.2017 khan I&PR Conference Hall, Aizawl ah Planning Minister Pu Lalsawta’n a hawng a ni. 

He Business Plan Contest hi a tel duh leh ruahmanna thehlut ve duhte tan August ni 31 thleng hian hun hawn a ni a, a hrechiang duh tan www.mizoramkailawn.org ah emaw DIPRO Serchhip hnenah zawhfiah theih a ni ang. He Contest Round 2 hi October thla tir lamah neih leh a ni ang a, a final na leh Entreprenuership Summit chu 10^th October, 2017 ah neih tura ruahmanna siam a ni. 

Heng NEPD hnuaia Entreprenuership Development Scheme (EDS) kalphung chi hrang hrangte hi Serchhip a Outreach Programme ah hian chipchiar taka inhrilhhriat tum a ni a, zirlai leh sumdawnna leh thilsiamna lam khawhtu sawm bik engemawzat an tel dawn a ni.