Vawiin chawhma dar 11:30 khan Nehru Yuva Kendra (N.Y.K.) Foundation Day chu D.C’s Conference Hall Saiha-ah hlawhtling taka hman a ni.
He Ni hmanna inkhawm hi Pu T. Hrevung, Youth Co-ordinator, NYK Saiha chuan a kaihruai a. Maj. R. Lalnunngila, CO Salvation Army, Saiha chuan hunserh hmangin he Ni hmanna a Khuallian Pu VB Malsawma, Adviser to CEM, MADC, Saiha chuan thusawina a nei bawk. Khuallian chuan ram hrang hrangte ngaihtuah chuan hmasawnna hi a nasa em em tawh a, thiamna nasa tak avang hian khawvel hi a lo zim ta in Global Village a ni tawh a ni, a ti a. India ram pawh in nasa takin hma a sawn tawh a, kum 2020 ah chuan khawvel puma ram thiltithei ‘Super Power’ nih a tum mek a ni, tiin ram hmasawn tur chuan inpumkhatna a pawimawha khawvel pawh in a buaipui mek a, hmasawnna nei tur chuan inunauna, inpumkhatna leh inremna neih a ngai a ni, a ti bawk. Khualzahawm Pu Thangchem Zathang, Additional Deputy Commissioner, Saiha pawhin thu sawiin thalaiten kan nun hmanthiam a pawimawh a, kan Bible pawhin vanglai huna siamtu hrereng turin min chah a, tuna kan thalaite hian kan talent neihte hi hmang thiam ila tun hi thalaite hun a ni, tiin ram tana mi tangkai leh chhawr nahawm nih tum theuh turin thalai kalkhawmte chu a chah a, Youth Club zawng zawngte ram leh khawtlang that nana inpe lehzual turin kalkhawmte chu a chah bawk.
He Ni hmannaah hian ‘Youth Leaders Awards’ mi pahnih - Pu L. Beikha, Vice President MTP General Hqrs. Saiha leh Pu V. Lalnghaka, Secretary, Music and Literature Committee, YLA Sub-Hqrs. Saiha hnenah tangkafai Rs. 5000/- leh Certificate hlan an ni. Tlawmngai pawl leh Youth Club hrang hrang 79 te hnenah Football leh Volleyball pek theuh an ni bawk. Programme karlakah zaithiam hrang hrangte zai ngaihthlak a ni a, F. Lalthantluangi (NYS) Saiha chuan lawmthu sawina neiin he Ni hmanna hi a khar a ni.
He Ni hmannaah hian ‘Youth Leaders Awards’ mi pahnih - Pu L. Beikha, Vice President MTP General Hqrs. Saiha leh Pu V. Lalnghaka, Secretary, Music and Literature Committee, YLA Sub-Hqrs. Saiha hnenah tangkafai Rs. 5000/- leh Certificate hlan an ni. Tlawmngai pawl leh Youth Club hrang hrang 79 te hnenah Football leh Volleyball pek theuh an ni bawk. Programme karlakah zaithiam hrang hrangte zai ngaihthlak a ni a, F. Lalthantluangi (NYS) Saiha chuan lawmthu sawina neiin he Ni hmanna hi a khar a ni.
