PHE leh Industries department enkawltu Parliamentary Secretary Pu H.Zothangliana chu October Ni 6,2009 (Thawhlehni) a Prime Minister leh Union Minister Subodh Kant Sahai hova '1st One Day Conference of State Food Processing Ministers,Secretaries and Other Stakeholders'-ah a zu tel a.He conference-ah hian thu sawiin India hmarchhak State te, a bik takin Mizorama Food Processing Industry hmasawnna kawng a in hawng zau em em a, chutih rualin a bik taka duhsak kan mamawh thu te uar takin a sawi a ni.

 

 

Parliamentary Secretary hian PHE lam hna pawh bawhzuiin Lawngtlai,Lower Sakawrdai leh Biate leh a chhehvel tana tui lak tur chungchang pawh enzui a ni dawn a, Mizoram thingtlang khaw hrang hranga tui pek hna thawh nan sorkar laipui chuan Rs 9.87 Crores a pe chhuak nghal thu a sawilang bawk. Backward Region Grant Fund (for Lawngtlai & Saiha District) leh Multi-Sectoral Development Plan for Minority Concentration Districts (for Lawngtlai & Mamit Districts) chungchangte pawh hotu pawimawhte a sawipui bawk.

Pu Zothangliana hi sorkar laipuia hotu pawimawh hrang hrangte a hmuh hnuin ni 9 October, 2009 (Zirtawpni) khan Aizawl a rawn thleng leh tawh a ni.