3238/2024-2025

Khawzawl, dated 27th November 2024: Vawiin khan chawhma dar 11:00 khan KVK Khawzawl buatsaihin Neihdawn khuaa Lungding tlangah Krishi Vigyan Kendra (KVK) kum 50-na (Krishi Swarna Samriddhi) lawmna neih a ni a, Khawzawl DC Pu K. Vanlalthiana chu khualliani niin Dr. Malsawmkimi, Senior Sceintist & Head, KVK chuan a kaihruai.

Khuallian Pu K. Vanlalthiana chuan Neihdawn khaw mipui te taima a tih thu a sawi a, tomato chin lama ngaihtuahna tha tak hmanga eizawnna tling taka an siam thei hi ropui a tih thu a sawi a. Taima tak leh tha taka thawk zela district ti hmingmawitu ni zel turin a fuih a, theih ang angin office dang te nena thawk hoin tanpui zel a tum thu a sawi bawk.

KVK kum 50-na lawmnaah hian Tomato Festival neih niin Tomato tha inelna buatsaih a ni a, khuallian Pu K. Vanlalthiana'n lawmman hi a sem a ni. Neihdawn Tomato Growers Association hnen atangin report ngaihthlak a ni a, office hotute leh Neihdawn VCP in thu an sawi bawk a ni. Programme zawh hian khuallian hovin tomato huan fan a ni bawk.

Neihdawn khuaah hian chhungkaw 150 atangin chhungkaw 92 in Tomato an ching a, Tomato hi kumkhatah vawihnih thar theih niin, Kum 2024 chhung hian a thawhkhat nan 460 quintal thar chhuakin Rs. 36,00,000 (Nuaih Sawmthum paruk) an lei chhuak tawh a, a thawhhnihna ah hian quintal 2000-3000 thar chhuah inbeiseiin Rs. 40/kg anga chhutin Rs. 80,00,000 (Nuai sawmriat) man lei chhuak turah ngaih ani.

He hun hi Neihdawn khuaa chhungkaw 150 ten an chhim thei a. Sawrkar Department hrang hrang ten an tel pui bawk ani.