3237/2024-2025

Dated Aizawl, the 27th November, 2024: Vawiin khan Pu TBC Lalvenchhunga, Adviser to Chief Minister (Finance and Planning) kaihhruaiin Working Committee on Lengpui Airport te thukhawm.

Working Committee hmasain state sawrkar hnena Lengpui Airport enkawl zui zel dan tur chungchanga report a thehluh chu October 16, 2024 a Cabinet meeting khan a thuphungin a pawm a. Cabinet thutlukna bawhzui zel tur hian State sawrkar chuan Working Committee a din thar leh a. Chu committee thar te chu vawiina thukhawm hi an ni.

State sawrkar in “Terms of Reference” a siamsak angin he Working Committee hian Indian Air Force (IAF) hnena Lengpui Airport hlan dan tur chungchang a zir chiang ang a.  IAF te nen indawr zui zela draft memorandum of agreement thlenga ruahmanna mumal tak siam tura tih an ni bawk. Thla thum chhunga report thehluh tura tih a ni.