No.1614/2021-2022

Aizawl, the 29th July 2021: Vawiin tlai khan National Education Policy 2020 in kum 1 a tlinna lawmna pualin Video Conference neih a ni a. He hunah hian Prime Minister Narendra Modi chuan NEP 2020 chungchangah thuchah a sawi a. Pu Dharmendra Pradhan, Union Minister for Education chuan Video Conferencing hi a kaihruai a. Mizoram aiawhin Governor Dr Haribabu Kambhampati chuan Video Conferencing hi a chhim bawk a ni.

Pu Dharmendra Pradhan, Union Minister for Education in Video Conferencing a tel te lawmna thu a sawi hnuah Video Conferencing hi tan a ni a. He hunah hian NEP 2020 hlawhtlinna te video in tarlan a ni a. Vidya –Pravesh, Indian sign Language as a subject leh NISHTHA 2.0 and SAFAL te tlangzarh a ni a. Web-site Al for Public Awareness, Academic Bank of Credit & Multiple Entry-Exit, 1st Year Engineering Programmes in Regional Languages, Guidelines for Internationalisation of Higher Education leh  National Digital Education Architecture (NDEAR) & National Education Technology Forum (NETF)  te pawh tlangzarh a ni leh a. Hemi hnu hian Prime Minister Narendra Modi thuchah ngaihthlak a ni.

NEP 2020 kumkhat lawmna puala inkawmhonaah hian Pu V.Lalsangliana, Secretary Governor leh Dr Lalzirmawia Chhangte, Secretary, School Education te chuan Governor Kambhampati chu an tawiawm a ni.


Attachment

  • Loading attachment...