No.1613/2021-2022

Aizawl 29th July 2021: Aizawl DC chuan Sairang Dawr Veng hmun thenkhat Containment Zone/Area-a puan hlih a nih thu a chhuah a. Hemi chungchanga DC thuchhuah chu a hnuai a mi ang a ni e.

The Disaster Management Act, 2005 Section-34(b)(c) behchhan leh he Office lehkha No.C.16011/298/2020-DC(A)/Lockdown Dt. 08/07/2021 leh Dt. 13/07/2021 (puan belhna) hmangin Sairang (Dawr Veng) hmun thenkhat chu Containment Zone/ Area-ah puan a lo ni tawh a.

Chief Medical Officer, Aizawl West in a zirchianna leh a tul anga hma a lak hnuin, Sairang (Dawr Veng) Containment Zone/Area hmun thehkhat chu ni sarih chhung CoVID-19 positive case thar an awm tawh loh avangin a sawrzim rawtna a rawn thlen a. He rawtna ang hian Sairang (Dawr Veng) hmun thenkhat Containment Zone/Area-a lo puan tawh chu 29.07.2021 (Ningani) Tlai dar 3:00 atangin hlih a ni.

Containment Area hlih tur huamchhung :-
a. National Highway kawng chhak lam Pu Lalbeiseia in atanga Kurung lei.
b. Pu Duhkima in atanga Mandir thleng.
c. Pu Nghaka In atanga Mandir thleng (Kawngpui dinglam zawng, Pu Lalziakliana in atanga Mandir telin).
d. Pi Rozikpuii leh Pi Lalrinhlui in atanga thlang lam zawng, Tlawng thlengin.
e. Dak Luikawr leh Pu Ralkapdaia In inkar.

Containment Area in a la huam tur te:-
a. Pu C. Laltanpuia te in leh D. Mankunga te in huam telin Dak In mual thla zawng.
(21 households)
b. Biakchungnunga leh Pi Rita Thanseii In Inkar zawng. (7 households)
c. Pi Ralzingi in atanga Pu K. Laltanpuia in kawngpui veilam zawng. (21 households)
d. Pu C. Sanglura In atanga Tlawng thleng (Pu Rualkhuma Veng). (18 households) (Number of Household contained – 67)

Covid-19 laka kan himna tur a sorkar kaihhruaina (SOP) siamte vengchhung mipuiten zawm tha chhunzawm zel tura hriattir an ni e.