Mizoram Sorkar ina Asian Development Bank atanga Assistance a hmuh atanga Aizawl khawpui tana Project ‘North-Eastern Region Capital Cities Investment Program (NERCCDIP)’ kal zel atan Tranche-III kalpuina turin vawiin khan New Delhi ah Asian Development Bank, Government of India leh Mizoram Sorkar aiawh ten Agreement an ziak fel. He Project hi Mizoram Sorkar-a Urban Development & Poverty Alleviation Department hnuaia SIPMIU (State Investment Program Management Unit) chuan hma chak takin a kalpui a. He Agreement sign fel h ian Pu Vanlalmawia MCS, Joint Seretary UD&PA leh Er. Valbuanga, Program Director, SIPMIU te an kal a ni.

He Assistance Tranche-III atan hian ADB hian $80 Million (Rs. 544 crore) a ni a. India Sorkar tum ve tur hi India Sorkar ah loan in a pe ang a. Hemi bakah hian India Sorkar in a tum ver tur $20.43 Million (Rs. 139 crore) nen a vaiin $100.43 Milliion (Rs. 683 crore) tur a ni dawn a ni. He Project pawisa hi India Sorkar atangin Mizoram Sorkar in 90% Grants, 10% Loan angin a lo dawng ve dawn a ni. Chumi awmzia chu Rs. 614.17 crore hi Grants angin kan dawng ang a, Rs. 68.3 crore hi loan a ni ve dawn a ni.

He Project Tranche-III hnuaiah hian Water Supply, Solid Waste Management (Bawlhhlawh sawngbawlna) leh Septage Management te thawh a ni dawn a. Project hian Consultant rawihna leh Project Administration senso te a keng tel bawk dawn a ni. Hemi hma hian Tranch-I leh Tranch-II te lo kalpui a ni tawh a. Tranch-I hi zawh fel a ni tawh a, Tranch-II hi tluang taka kalpui mek a ni bawk. He Project thawktu SIPMIU hian hna a thawk tha hle a. Hemi avang hian ADB leh Government of India atang pawhin Best Performing Award te a lo dawng tawh a. Chubakah tunhnaiah Skoch Award 2015 pawh a dawng bawk a ni.

He Project hi a tirah chuan North-Eastern Region khawpui 5 atana tih a ni a. Mahse State thenkhat ten an kal thatpui theih loh avangin Tranch-III ah hi chuan Aizawl leh Agartala ah chauh kalpui chhunzawm a ni ta a. Kawpui 5 tana Project Package chhunga sum ruahman zat 75% dawn chu Aizawl khawpui tan sem belh a ni a, a tira beisei aia tam daih sum ruahmanna hi kalpui a ni ta a ni. He Project hmang hian Aizawl khawpui tana Water Supply tih belhna tur te, Solid Waste Management (Bawlhhlawh sawngbawlna), Sewerage (thli sawngbawlna), Septage Management (Septic Tank atanga thli sawngbawlna) te kalpui chhoh mek a ni. Thawh zawh anih hunah chuan Aizawl khawpui tana hmasawnna tur kawng tam tak a rawn thlen dawn a ni.

"He Loan Agreement ami hi Mizoram chan vek tur a ni bik lova. Tripura (Agartala) nena insem tur a ni a. Mahse Mizoram hian kan thawh that avangin kan chang hnem dawn a. Tuna chhut danin Rs. 683 crore ah hian Mizoram (Aizawl) chan tur hi Rs. 512 Crore vel nia chhut a ni"