Ram pumah Electoral Roll dik leh fel fai zawk a awm theih nan Election Commission of India chuan ruahmanna thar National Electoral Roll Purification & Authentication Drive Programme (NERPAD) a duang a. He ruahmanna beihpui thlak(launching) hi vawiin khan ram pumah tan a ni a. Mizorama pawh he ruahmanna hi vawiin khan tan niin he programme hi vawiin khan Joint Chief Electoral Officer (Jt. CEO) Pu F. J. Liantluanga hovin Election Department chuan I & PR Conference Hall-ah a hawnna(launching) buatsaih a ni a. Hetah hian political party hrang hrang aiawhte bakah tlawmngai pawl te aiawhte pawh an tel a ni.
Joint CEO Pu F. J. Liantluanga chuan NERPAD chungchang leh he thilah hmalak dan tur chipchiar takin a sawi a. He ECI programme pawimawh tak mai hi a hlawhtlinna turin Political Party te/NGO/CBO leh Chanchinbu mi (media) te in pawimawh hle tih chiang takin a lang reng mai. E/Roll a hming dik lo a chuang tihdik ngai hmuhchhuah leh umzui ngai umzui kawngahte, mipuite hriat tur puanzar thu ah te, nangni tel lo hian E/Roll khawihtute chauh hi chuan an chingfel thei vek lo niin a lang a ni, a ti a. National Electoral Roll Purification & Authentication Programme hlawhtlinna tur hi kan zavaia mawhphurhna a ni tih hriain, a theih ang anga tan la ho turin in zavaiin ka sawm che u, a ti.
NERPAD ina thil a tum te chu :
1. EPIC a Aadhar No. dah. Hei hi elector tihchianna, hmanraw tha tak tura ngaih a ni.
2. E/Roll hmun khat aia tama awmte inhriattir/puanchhuah theih nan. Hetiang hi a awm a nih chuan an chen nghehna ordinary residence ni lo atangin Form 7 hmang a paihtir tur a ni. ERO in ni 15 chhunga tihfel tur.
3. EPIC thlalak chiang lo thlaksak dilte an awm chuan thlak sak.
4. E/Roll a particulars dik lo tih dik (Form 8 hmangin)
5. E/Roll database-a elector te mobile phone no. emaw email address dah luh. An neih loh pawhin a chhungte number tal dah luh.
Aadhar No. EPIC database a thun chungchangah a hnuai kawng engmaw berin a tih theih a ni.
1. National Voters Service Portal (nvsp.in/) ah online a thehlutin
2. 51969 ah SMS thawnin(SMS thawn dan tur hi la inhriattir tur a ni).
3. Election hotute hnena email thawnin
4. Mobile application (hei hi March thla chawhmaa peih hman beisei a ni.)
5. State Call Centre a Toll Free number call-in
6. Paper a ziaka Aadhar no. leh EPIC no. fill up a, EPIC leh Aadhar photo copy nen thehluhin (Annexure-A)
Election Department thawk te pawhin House-to-house visit neiin BLO in elector chungchang chipchiar lakhawmin emaw, ERO/AERO ten Voter Facilitation Centre/CSC, DEO in a pawmpuite atangin elector-te chinchang an lakhawm thei bawk ang a. Heng an lakkhawmte hi NVSP ah dah luh tur a ni.
January ni 1, 2015, kum tling chin bithliah nan hmanga Special Summary Revision, kumin January thlaa neih zawh a nih tak hnu hian, India ram hmun hrang hrang atangin Election Commission of India chuan Eletoral Roll dik loh thu leh sawiselna engemawzat a dawng a. E/Roll ennawn zawh hlim deuh maia sawisel tur la awm cheu hi State thenkhata hnathawktuten E/Roll ennawn laiin an mawhphurhna tha takin an hlen tawk loh vang niin a lang a. Heng thil hi ECI tan pawmzam mai theih a ni lova. Chuvangin Electoral Roll a dik lo hrang hrangte tidik a, E/Roll dik leh felfai neih theih dan tur ruahmanna thar a siam ta a, chu chu National Electoral Roll Purification & Authentication Programme hi a ni.
He programme hian vawiin atangin July ni 3, 2015 thleng a awh ang.
He thilah hian BLO ten Booth Level Awareness Groups (BAGs) an din ang a. Member turte -Govt. Servants, VC/LC/NGO aiawhte, BLO leh BLV te, School/College Head emaw an aiawhte, NSS/NYK aiawh te a ni ang. State Call Centre (Free call) No. 1950 hawn a ni ang. Special Camp ni 12.4.2015 (Sunday) ah a remchan danin, Booth Level zawng zawngah ERO hova neih tur a ni a. Hetah hian E/Roll dik leh felfai nei tura tih tur tul a hmalama tarlan-te hi tih tur a ni ang. Special Camp ah hian E/Roll thar ber inchhawp tur a ni ang a. He camp ah hian Dan leh hrai pawh inhriattir tur a ni ang.
