Vawiin ah khan State Election Department chuan Joint CEO Pu F.J. Liantluanga Office ah "National Electoral Roll Purification and Authentication Programme" (NERPAP) campaign hmalakna hnuaiah Election Officers leh District tina Master Trainers te tan meeting-cum-training a buatsaih.
Election Commission of India hian Electoral Roll chungchanga thil diklo leh felhlel nithei anga lang awm thin te avanga sawiselna a dawn te chu endik a, electoral roll dik leh felfai neih a nih theih nan "National Electoral Roll Purification and Authentication Programme" (NERPAP) hi a duang a ni tih Election Department hotute hian an sawi a ni.
He programme hi 3rd March, 2015 khan India ram pumah hman tan tura tlangzarh niin August ni 15, 2015 hmaa zo fel hman tura beisei a ni. . Vawiin a Master Trainer lo telte hian an hnathawhna District theuhah ERO leh AERO te training pe tura hriattir an ni a. ERO leh AERO te hnen atang hian BLO te’n tun thla chhungin zirtirna an dawngsawng thung ang.
