Election Commission of India thupek angin Electoral Roll dik leh felfai zawk neih theih na tur programme ‘National Electoral Roll Purification and Authentication Programme (NERPAP)’ chu vawiin atangin Aizawl District-ah tan a ni.
He Programme hawnna hi Dr. Franklin Laltinkhuma, IAS, Deputy Commissioner -cum-District Election Officer chuan neiin NERPAP chungchang hi kalkhawmte hetiang hian a hrilhfiah a. He Programme hi thilthar a nih avangin an hmalakna turah Political Parry tin te, NGO-te, Media-te leh Official hrang hrangte tawiawmna a ngen nghal a. He hunah hian Media aiawh te, NGO aiawhte leh Party aiawhte an kal tha hle.
Election Commission of India chuan Electoral Roll felfai leh diktak neih hi a ngaih pawimawh ber a niin Electoral Roll chu diklo awmlo, mi pakhat hming hmun khat chauh a chuanna leh elector-te hming diktaka ziahna ni turin a duh a, chutiang ang Electoral Roll felfai neihna atan chuan NERPAP hi a lo duang chhuak ta a ni.
NERPAP in a thil tum pawimawh zualte chu:
1. Elector-te EPIC Data leh Aadhar Data thlunzawm.
2. Electors hmun khat aia tama roll a an hming chuang ten an mahni chungchang thu an hriattir theihna tur leh chung thil te chu an mahni bialtu ERO-ten ni 15 chhunga lo chinfel.
3. Electoral Roll-a Electors-te particulars (Hming, Pa Hming, Kum, etc.) document an neih dan mil a siamthat sak.
NERPAP hi Booth Level-ah chuan BLO-te kaltlangin hma lak tur a ni anga, BLO-te hna tichak tur hian Polling Booth huamchhung theuhah Booth Awareness Group din tur niin, he group-ah hian local body aiawhte Booth Level Agent, booth huamchhunga school/ college tin aiawh te, NSS aiawh te leh NGO-te telh tur a ni ang.
Elector EPIC Data leh Aadhar Data thlunzawm tur hian hetiang hian hma lak a ni ang:
1. ERO/AERO/BLO-ten elector-te EPIC Number leh Aadhar Number-te lakhawm in heng hi District Election Officer’s Office-ah rawn thehlut in, an ni hian ECI Website a National Voters Service Portal (NVSP) ah an data te chu an lo thunluh sak ang.
2. Elector-ten Form Annexure-A ah an Aadhar Number leh EPIC Number fill-up in an EPIC leh Aadhar Card Xerox thil telin ERO/District Election Office-ah an thehlut thei ang.
