March 2, 2015 khan Pu R.L. Pianmawia, Dy. Govt. Chief Whip, Bialtu MLA ni bawk chuan Sunhluchhip khuain Electric Eng an neih, khawtlang huap ruai nena an lawmna a hmanpui.

He hunah hian Bialtu MLA chuan Sunhluchhip khua lo dinchhuah dante a sawi lang a. Sunhluchhip mipuite chu sorkar-in duhsak leh duat taka a enkawlnaah lawm nachang an hria chu a fak a. An khaw tana sum tam tak Rural Development, PHE, Education, Health leh Power & Electricity kaltlanga sen ral tam tawhzia tarlangin sorkar chuan mipui mamawh tihsak zel hi a tum a, chumi atan chuan khawtlang mipuiin tihtur an nei ve a. Sunhluchhip khawtlang chu ruihhlo leh sualna chi hrang hrang lakah fihlim turin a chah bawk. Khawtlangin mamawh an thlen te chu sorkar kum tharah ngaihtuahsak zel a tum thu Bialtu MLA hian a sawi lang bawk. Tuivawl bial chu bial mawng ping ni lo turin Sorkar-in National Highway, New Vervek -Vairengte kawngpui a sial sak dawn a ni tih a tarlang bawk.

Sorkar-in mirethei te dinchhuah nan NLUP a buatsaih leh avanga bial mipuite tan malsawmna tam tak a luanluh tawh thu sawiin, mipuite chu NLUP an dawn hmang tangkai tur leh hlawhtlinpui ngei turin a fuih bawk. Mizoram chu sik leh saah nasa taka a chhiat zel lohna turin leh Tui tlan tur a tlem zel lohna tura ram tikang lo tura tanla theuh turin Pu R.L. Pianmawia chuan a chah bawk.

Pu R.L. Pianmawia hi Darlawn BDO, Darlawn DFO, CDPO Darlawn, E.E, Power & Electricity ten an tawiawm a ni.