Pu R.L. Pianmawia, Dy. Govt. Chief Whip chuan February 28, 2015 (Inrinni) khan Chalfilh Area MUP Conference vawi 25-na E. Phailenga hman chu khuallian niin a hmanpui.

Khuallian chuan MUP Motto, “Midangte tana malsawmna” hun rei tak an lo ken kawh tawhnaah lawmthu hrilhin kumin thlenga thupui tha tak mai keng kawhtu an ni thei chu a lawmpui takzet thu a hrilh a ni. MUP thupui an lo kenkawh tawhnaah tawpsan mai lova an tu leh fate zirtir a, thawk zui zel turin a chah bawk. Midangte tana malsawmna tam zawk an thlen zelna turin zirnaah te, taimaknaah te leh kangmei chhuah lohna turah te hian an tu leh fate tan malsawmna thlentu nizel turin a chah bawk.

Sorkar hmalaknaah sum harsa tak chungin hmasawnna hrang hrangah Mizoram Sorkar chuan a kalsan mai lo tih Bialtu MLA hian a sawi a. Bial pum hmasawnna thlen tur National Highway, New Vervek - Vairengte buatsaih thuai a ni dawn tih a sawi bawk. A bial chhung Darlawn PHC, Ratu PHC leh Sakawrdai PHC-ah te Rannung seh hriatna tur hmanrua sorkar-in a pek avanga lawmawm a tih thu a sawi lang bawk.

NLUP hmanga Mizoram Sorkar-in miretheite a duhsak zia sawiin tanpuina sum an dawn chu tangkai taka an hman ngei a beisei thu a sawi bawk.

Pu R.L. Pianmawia hi BDO, Darlawn leh CDPO Darlawn ten an tawiawm a ni.