Vawiin chawhma dar 10:00 AM khan NERPAP (National Electoral Roll Purification and Authentification Programme) Special Observer PuLalhmachhuana, Director, LE&IT hovin Saiha Circuit House-ah Political Party hrang hrang aiawhte, NGO aiawhte leh Election department official ten  meeting an nei. He meeting-ah hian Pu Lalhmachhuana chuan Election Commission of India in NERPAP  programme a duan chhan leh NERPAP thil tum te meeting-ah hian a tarlang a.

Special Observer Pu Hmachhuana chuan Saiha District, DC Office-a Election Branch, ten Electoral Roll an  buatsaih danah sawisel tur a hmuh loh thu sawilangin, Election Officer, Pi Marilyn Rualzakhumthangi leh  Election Branch Staff te thawhrimna leh thahnem ngaihna chu ropui hle a ni, a ti a. Political party hrang hrang leh NGO hrang hrang ten Electoral Roll buatsaihna kawngah Election Branch an puibawm nasat thin thu a hriatin a lawm takzet a ni, a ti bawk.